Image
Image

Kultura

ASTEROKO ARGAZKIAK: ORDIZIA-IKUSPEGI OROKORRAK

LAGUNDU ORDIZIAKO FAMILIA ALBUMA OSATZEN. Ordizia iruditan/ Ordiziako historia argazki bidez / Ordiziako familia albuma (...)

Oraingo honetan Ordiziako bi panoramika ekartzen ditugu txokora. Lehena 1908. urtean argitaratutako monografiatik aterata, eta bigarrena 1920. urteko jai nagusien programaren aterata. Bigarren argazkia ikusteko sakatu IRAKURRI GEHIAGO laukitxoan.

Kultura

LARUNBATEAN, IPUINEN AHOZKO NARRAZIO LEHIAKETA D'ELIKATUZ GUNEAN

Ahoz-aho 2018  programazioaren barruan, larunbatean, 19:00etan

Urtero garai honetan gertatu ohi den moduan, Ordiziako airean istorioak zizelkatuko ditugu. Burbuilak kontatuko ditugu, kondairen artean flotatuz. Narrazioz zipriztinduko gara, istorioez elkar lurrinduz.: Ahoz Aho jaialdia badator. Ahozkotasunaren Unibertsotik datozen Izar horiek martxoaren 3tik 16ra bitartean bisitatuko gaituzte.Eta Jaialdia hasteko“KONTATU GUREKIN!” VI. IPUINEN AHOZKO NARRAZIO lehiaketarekin zabalduko da. Istorio bat, ipuin bat... kontatu nahi diguten pertsona guztiei irekitako lehiaketa zabaldu da eta Amaia Pagola (Tolosa), Joxe Aldasoro (Etxarri-Aranatz), Vanessa González (Arrasate), Sebas Gutterdege (Zumarraga), Amaia Ruiz de Galarreta (Tolosa) eta Román Marzana (Elorrio) izango dira lehian arituko direnak. Lehiaketa, datorren larunbatean,  izango da, arratsaldeko 19:00etan, Ordiziako D’Elikatuz gunean eta Iñaki Carreterok izango da emanaldiaren gidari.

Kultura

THE FUNAMVIOLISTAS ANTZERKI LANA DATORREN OSTIRALEAN HERRI ANTZOKIAN

Martxoak 2, ostirala, gaueko 10:15ean. Errebelazio Ikuskizun Onenaren Max Saria.

Datorren ostiralea, martxoaren 2an, Ordiziako Herri Antzokian "Antzerki garaia" programaren laugarren saioa izango dugu ikusgai, eta oraingo honetan The Funamviolistas konpainiak izen bereko lana aurkeztuko du.. "Antzerki garaia" egitaraua Beasain eta Ordiziako Udaletako Kultura Sailek bultzatu eta antolatu dute, Gipuzkoako Foru Aldundiaren eta Euskadiko Antzerti sarearen lankidetzekin. Ana Hernández, Mayte Olmedilla eta Lila Horowitzek The Funamviolistas-ena egiten dute, hiru hari-instrumenturen jole izanik, abestu, dantzatu eta batez ere emozionatu egingo gaituzten hiru artista dira. Artista osoak erabat, edertasunez eta originaltasunez konbinatzen dituzte arte-disziplina hainbat, bat-egite ia magikoa sortuz.

Kultura

KIMETZ XXIV. KONTAKETA LEHIAKETA

Ireki da kontaketa lehiaketan parte hartzeko epea

Kimetz elkarteak, urtero egiten duen moduan, kontaketa lehiaketa antolatu du eta lanen aurkezpen epea zabaldu du dagoeneko. 18 urte baino gehiago dituen eta parte hartu nahi duen pertsona orori zuzenduta dago lehiaketa. Idazten diren istorioen gaia erabat librea da eta  5-10 orri bitarteko luzapena izatea beharrezkoa. Hizkuntzari dagokionez, euskaraz zein gazteleraz aurkeztu daitezke lanak.

ORDIZIAKO UDALA

Udala 943 88 58 50

Udaltzaingoa 943 80 56 16

E-posta arretabulegoa@ordizia.eus

Kale Nagusia, 24 · 20240 Ordizia (Gipuzkoa)

KOMUNIKAZIOA

Tel 688 81 75 83

Tel 688 71 54 66

E-posta komunikazioa@ordizia.eus

Jarraitu gaitzazu sare sozialetan.

iconrssiconfacebookicontwittericonyoutubeiconinstagramiconflickr

OHAR LEGALA

Lege oharra

Pribatutasun politika

Cookie politika

logo ordizia footer

logo ordizia bizi herria

Image
Image
Image