Txupinazoa Jakintza Ikastolak eta Jesus Mari Larizek botako dute

Jose Miguel Santamaria alkateak, Arantxa Fernandez jaietako zinegotziak, udal teknikariek eta hainbat ekintzen antolatzaileek hastear dauden Ordiziako Santana jaietako egitaraua aurkeztu dute. Edizio honek egun bat gehiago dakar opari gisa, izan ere hilaren 28an hiribilduaren ‘750. Urteurreneko Eguna’ ospatuko da.  Haurren egunak 21ean eta 22an izango dira. Baina, beti bezala,  egun batzuk lehenago hasten dira hainbat ekintza eta ostiral honetatik badago non gozatu, eta epilogoa Azarik prestatuko du 31ko usakume jaurtiketarekin. Jakintza Ikastolak, bere 50. urteurrenagatik, eta jubilatu berria den Jesus Mari Lariz, jaien antolaketarako udal koordinatzaileak  jaurtiko dute 24ko txupinazoa.

Ohiko ekitaldiei hainbat berrikuntza gehitu behar zaie aurten ere. Horietako bat, Iker Galarza aktoreak abian jarri duen ‘Gure Zirkua’ ikuskizuna. Goierrira lehenengo aldiz iritsiko da eta San Bartolome auzoan kokatuko da. Hilaren 19, 20, 21 eta 22an irekiko ditu ateak sei saio eskaintzeko. Sarrera gehienak saldu dira dagoeneko. Azkenak Vicuña Sport dendan eros daitezke. Horrez gain, hilaren 21ean urezko txirrista erraldoia jarriko da Eguterabidean eta bazkari batean elkartuko dira 500 haur plaza Nagusian.

Ikusgai jarri dira luzera, pisua, edukiera eta denbora neutzeko erabilitako tresna desberdinak

Hiribilduaren 750. Urteurrenaren ospakizunen baitan eta Ordiziako azokak eta bere inguruko merkataritza jarduerak izan duen eta egun duen garrantzia kontutan izanik, garai batean erabiltzen ziren pisu eta neurriak ezagutarazteko erakusketa bat antolatu da du D’elikatuz Zentroak.

Gizakiak betidanik erabili ditu luzera, pisua, edukiera, denbora neurriak, hasera baten, behaketa eta esperientzia oinarri hartuz zehazten zirenak. Neurketa sistemak hobetuz joan ziren, merkataritza truke eta idazketa eta zenbakikuntzaren garapenari esker. Gizarte guztietan legez arautu behar izan ziren pisu eta neurketa sistemak, toki batetik bestera aldatzen baitziren, arrazoi fisikoengatik alde batetik ( materialen dilatazioa eta uzkurdura, higadura edo erabilpenagatik kaltetzea) eta erosle eta saltzailearen interesen adostasun ezagatik bestetik.

Kimetzen XXIV. kontakizun laburren sari banaketarekin batera  “Tenpora” taldearen kontzertu akustikoa izango da. Hitzordua ostiralean gaueko 22:00etan Barrenan

Ordiziako Kimetz Emakume Elkarteak, urtero antolatzen duen literatur lehiaketako sariak banatuko ditu datorren ostiralean.  Ekitaldi hori osatzeko, Tenpora taldearen kontzertua izango da. Sari banaketa 22:00etan hasiko da, eta segidan egingo dute musikaren emanaldia “Tenpora akustikoan”, Barrena Kultur Etxean. Sarrera, debalde izango da.

Esperientzia zabaleko bost musikariek osatzen dute “Tenpora” pop-jazzeko proiektu hau: Asier Oleaga (bateria), Itsaso Etxebeste (baxua), Juantxo Zeberio Etxetxipia (teklatuak), Elene Arandia (ahotsa) eta Beñat Barandiaran (gitarra elektrikoa). Bost musikari hauek 2013ko martxoan elkartu ziren, eta euren lehen lana 2015ean kaleratu zuten: Mundu berria.

Maiatzaren 25etik ekainaren 16ra.Inaugurazioa ETA SARI BANAKETA: Ostirala, maiatzaren 25a, 19:00h.