Ikuskizuna Plaza Nagusian, arratsaldeko 6etan.

Ostegun honetan, Plaza Nagusian, arratsaldeko 18:00etan Hortzmuga taldeak  “Jule” lana eskainiko du, Eusko Jaurlaritzako Hezkuntza, Hizkuntza Politika eta Kulturako «Kale antzerkia bultzatuz» programaren barruan.

Familia osoarentzako kaleko ikuskizun ederra, ametsei, oso urrun daudenei ere jarraitzeko premia aldarrikatzen duena. 'Jule' ikuskizunak, 1989az geroztik kaleko antzerkiaren laguntzaz jendea entretenitzen eta kontzientziak astintzen diharduen Hortzmuga konpainia bilbotarraren zigilua du. Antzerkian hogeita hamar urte ibilaldiaren ostean, Hortzmuga Teatroa barrenak mugiarazteko antzerkia egin nahi du, testuinguru soziala kritikatuz eta aztertuz, zur eta lur utziz eta pentsaraziz, ikusleen kontzientziak astinduz eta beren jakin-mina piztuz, jendea hunkituz; izan ere, gure ustez, esperientzia eraldatzailea izateko asmoarekin begiratzen dute ikusleek. ... Geroztik, hogeita hamar ekoizpen eta ekitaldi handi egin ditu. Horregatik, erreferentziako konpainietako bat bezala finkatu da euskal arte eszenikoen lanbidean.

Emakumea Ordiziako historian: etxearen eta orubearen jabe eta igorle.Hitzaldia igandean, Udaletxean 11:30etan

Ordiziako historian zehar emakume batzuk etxearen eta oinordetza familiarraren jabe eta igorle izan dira. Hitzaldi honetan emakume hauek gertutik ikusiko ditugu eta horretarako dokumentazio historikoa erabiliko dugu, honela, XVI-XIX. mendeetan emakume hauek jokatu zuten paper garrantzitsuaren testigu zuzenak bihurtuz.

Hitzaldia igande honetan, hila 30, goizeko 11:30etan izango da Udaletxeko Batzar Aretoan. Edozein zalantza izan ezkero jarri kontaktuan honako helbide: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.edo zenbaki honetan: 943 88 22 90.

Erdi Aroko azokaren XXIII. edizioa egingo da larunbatean eta igandean Plaza Nagusian eta haren inguruetan.

Ordiziako Alde Zaharra edo gune historikoa, berriro ere Erdi aroko edo Aintzinako periaren eszenatokia bihurtuko da. Aurten XXIII. edizioa ospatuko da, ‘Aintzinako Periak’ goiburupean. Azken 22 urte hauetan, Napar Bideak-ek, Nafarroako Artisau Elikagai Elkarteak, ofizioetako artisauek, Ordiziako Udalak, herritarrekin eta bisitariekin batera osatu  dute  gure “Antzinako Azoka”.

Hogeita bi lan aurkeztu dira LazkaoTxiki bertsopaper lehiaketaren azken ediziora

Aurreko urteetako bideari jarraiki, Lazkao Txiki Bertsopaper Lehiaketa ospatu berri da. Aurtengoak hogeita zazpigarren edizioa bete du eta jakin Argi Berri Elkarteak antolatu duela Ordiziako Udalarekin batera. Sariak pasa den igandean banatu dira.

Behin lanak jaso eta gero, epaimahaikoaren eskuetan utzi berauek (Manu Olano, Nikolas Zeberio eta Izar Sarriegi) eta hauen erabakiaren ondoren honela banatuko dira sariak maila desberdinetan:

GAZTETXOETAN (13 urte artekoak): 7 lan guztira. Maila honetan gaia denentzat berbera izan da: “asko maite zaitut”.

1. Zumarragako OINATZ ARAMENDI PLAZAOLA

2. Zaldibiako ANER AZURMENDI BEAIN

3. Azkoitiko ANE ARRIZABALAGA ARRIETA

GAZTEETAN (14-18 urte bitartekoak): 4 lan guztira, gaia librea.

1. Beasaingo MADDI AIESTARAN IPARRAGIRRE “kale beltza” lanagatik

2. Zarauzko ANER PERITZ MANTEROLA “biriketan” lanagatik

3. Desert

HELDUETAN (18 urtetik gorakoak): 11 lan guztira, gaia librea.

1. Beasaingo EKAITZ GOIKOETXEA ASURABARRENA “zakila maite zuena” lanagatik

2. Oreretako AITOR ALBISTUR PULIDO“ zapla!” lanagatik

3. Azpeitiko JON GURRUTXAGA URBIETA “despedida” lanagatik