Donostiako Barroko Taldeak zabalduko du zikloa Parrokian,  igandean, arratsaldeko 18:30ean.

Aste bukaera honetan, igandean hain zuzen,  hasiko da Ordizian BARROKO AIRE, Musika Barrokoaren egunak jaialdiaren XXIX.ekitaldia. Eta jaialdi horrek Ordizian segituko du hilabete honetako igandeetan, herriko Parrokian lau kontzertu egingo dira, Ordiziako udalak eta Gipuzkoako Foru Aldundiak antolatuta. Ataungo San Martin Elizan ere izango da ziklo honen kontzertu bat.

Zikloari hasiera emateko igande honetan, Ordiziako Eliz Parrokian, arratsaldeko 6:30ean, Donostiako talde barrokoak kontzertu interesgarria eskainiko du. Hilaren 16an jarraituko du programazioak Euskadi Brass metal taldearekin. Azaroaren 23an Ainhoa Garmendia sopranoa arituko da Opus Lirica hirukotearekin. Eta programazioari amaiera emateko azaroaren 30ean Lux in Tenebris taldearen txanda izango da Ordiziako parrokian.

Barroko Aire jaialdia, azaroaren 25aren baitako ekitaldi sorta eta Mendi astea izango dira, besteak beste

Dagoeneko kalean da Ordiziako Udalaren azaroko kultur agenda. Azaroaren 9tik aurrerako lau igandeetan 29. Barroko Aire musika zikloaren emanaldiak izango dira elizan, 18:30en hasita. Azaroaren 25aren ingurumarian, Emakumeenganako Indarkeriaren aurkako Nazioarteko Eguna, hainbat ekitaldi eta jarduera antolatu ditu Ordiziako Udaleko Berdintasun sailak herriko eragileekin elkarlanean. Azaroaren 24tik 27ra, berriz, Ordiziako Mendizaleek antolatutako Mendi Astearen barruko emanaldiak izango dira. Horiez gain, txotxongilo jaialdiak, Santa Zezilia Egunaren ospakizun kontzertuak, Euskal Herriko argazki elkarteen topaketa, hitzaldiak... ere izango dira.

DESKARGATU AZAROKO AGENDA PDF FORMATOAN

Donostiako Zinemaldian estreinatutako filmak proiektatuko dira asteburuetan, tartean 'Loreak' euskarazko zinta

Asteazkenetako zine alternatiboa'Emakumeak egile eta protagonista' zikloak hartuko du

Ordiziako Herri Antzokiak kaleratu du dagoeneko azaroko zine kartelera. Asteburuko emanaldietan Donostiako 62. Zinemaldian estreinatutako filmak proiektatuko dira: 'Magical Girl' (Film onenari Urrezko Maskorra eta Zuzendari onenari Zilarrezko Maskorra) eta Jose Mari Goenaga ordiziarrak eta Jon Garañok zuzendutako 'Loreak' filma (Goenaga azaroaren 9an, 19:30eko saioan, Ordizian izango da filma aurkezten), besteak beste. Asteazkenetako zine alternatiboa 'Emakumeak egile eta protagonista' zikloak hartuko du, azaroaren 25a Emakumeenganako Indarkeriaren Aurkako Nazioarteko Eguna dela eta. Azaroaren 28an, berriz, 'Moulin Rouge' balleta ikusteko aukera izango da. Urriko kartelera Londresko Royal Opera Housen 'Tosca' operak itxiko du, ostiral honetan, hilak 31.

Beka eskaerak abenduaren 30erako aurkeztu behar dira

Bekaren iraupena 12 hilabetekoa izango da, eta 7.000 euro banatuko dira

Ordiziako Udaleko Kultura sailak, Victor Mendizabal fundazioaren bidez “Victor Mendizabal – 2014 Ordizia” III. ikerketa Bekarako deialdia egin du. Bekak kultura eta hezkuntza arloa sustatzea du helburu, eta Ordiziari buruzko ikerketak bultzatzea. Beka deialdia bi urtetik behin egiten da.