Ainhoa Garmendia(sopranoa), Arkaitz Mendoza (organoa) eta Erlantz Fernandez (tronpeta)  Barroko Aire-ren hirugarren kontzertuaren protagonistak

Aurrera jarraitzen du Ordizian musika barrokoari eskainitako zikloak. Igande honetan izango da Barroko Aire egitarauaren hirugarren kontzertua, herriko parrokia elizan, arratsaldeko 6:30etatik aurrera. Bertan, proposamen interesgarria, Opus Lirica hirukote osatzen duten Ainhoa Garmendiak, soprano, Arkaitz Mendozak, organo, eta  Erlantz Fernandezek, trompeta,  aurkeztuko dutena.

Kontzertuan eskainiko dituzten lanen artean azpimarra daiteke segidakoak: Cacciniren “Ave Maria”,  Haendelen “Eterneal source of Light Divine”, Glucken “O del mio dolce ardor”, Giordanoren “Caro mio ben”; Marcelloren “Re minorreko kontzertua” edota J. S. Bachen  “Re minorreko tokata eta fuga·”.

Hainbat elkartetako ordezkariak Barrenan bilduko dira, 09:00etatik 14:30era

Jadanik dena prest dago Topaketak 2014 saiorako. Euskal Herriko Argazki Elkarteen Topaketa aurten Ordizian ospatzen da eta herriko Ortzadar Argazki Elkarteak antolatzen du topaketa. Hitzaldi eta tailerrez gain, Ortzadarrek Barrenan jarria duen erakusketa soziala ere bisitatuko dute parte hartzaileek. Erakusketa hilaren 28a arte dago zabalik.

Barroko Aire zikloaren bigarren kontzertua, igandean 18:30ean.

Ordiziako Udalak eta Gipuzkoako Foru Aldundiak antolatutako Barroko Aire kontzertu zikloarekin jarraituz, datorren igandean, hilak 16, Ordiziako Parrokia Elizan, arratsaldeko 6:30etan, bigarren kontzertua entzuteko aukera izango dugu, Euskadi Brass taldearen  eskutikoa, alegia.

Aurkeztuko duten programan,   "Euskadi Brass-en eskutik, ibilaldia Errenazimendutik Bacheraino” izenburua duena, Gervaise, Gabrieli, Purcell, Haendel eta Bachen lanak entzungo dira.

Larunbat eguerdian 27. 'Ordizia Txapeldun' gazta lehiaketa jokatuko da

Datorren ostiral eta larunbatean, hilak 14 eta 15, Arabar Errioxako ardoen 20. azoka ospatuko da Ordiziako Plaza Nagusian. Ardoa ez ezik, hainbat herrialdetako gazta dastatu eta erosteko aukera ere izango da, eta plazaren inguruan artisauak ere izango dira. Azokak honako ordutegia izango du: ostiralean 18:30-21:30 eta larunbatean 11:30-14:30 eta 18:30-21:30. Azokaren osagarri, 'Ordizia Txapeldun' gazta lehiaketa jokatuko da larunbatean, 12:30ean hasita.