Image
Image

Kultura

ABENDUKO KULTUR AGENDA

2014-11-28 udamineanneguaEuskararen Asteko ekitaldiak eta Memoria Historikoa Berreskuratzeko taldearen ekimenak nabarmen Eguberrien aurreko agendan

Dagoeneko kalean da Ordiziako Udalaren abenduko kultur agenda. Honakoak, abenduaren 18a bitarteko ekitaldiak biltzen ditu, abenduaren bigarren hamabostaldian Eguberrietako agenda berezia banatuko baita. Euskararen Asteko egitaraua eta Memoria Historikoa Berreskuratzeko taldearen 'Ahaztuen mindura' liburuaren aurkezpena eta 'Uda minean negua' dokumentalaren proiekzioa dira aipagarrienak lehen hamabostaldi honetan. Hilaren 11n Roberto Bermejo EHUko irakaslea mugikortasun iraukorraz ariko da; hilaren 12tik 14ra Liburu eta Disko azoka egingo da; eta hilaren 18an Katxalin elkarteak bularreko minbiziari buruzko hitzaldia egingo du. Zuhaizti zentro sozialean hitzaldi zikloa egingo dute, eta Herri Antzokiak ere zine programazio anitza du.


DESKARGATU ABENDUKO AGENDA PDF FORMATOAN

Kultura

“LUX IN TENEBRIS” TALDEAK AMAIERA EMANGO DIO BARROKO AIRE PROGRAMAREN 29. EDIZIOARI

Kontzertua igande honetan, arratsaldeko 18:30ean Parrokian.

Ordiziako Udalaeta Gipuzkoako Foru Aldundiak antolatuta,  Barroko Aire zikloak, Ordizian arrakastaz ospatu dena, amaiera bikaina izango du igande honetan, “Lux in tenebris” taldeak eskainiko duen kontzertu interesgarriarekin. Programan, Telemann, Haendel, Vivaldi, Scarlatti eta Purcellen lanak. Kontzertua igandean,  arratsaldeko 18:30etan Ordiziako Eliz Parrokian.

LUX IN TENEBRIS taldeak segidako musikariak osatzen dute: Jose M. Azkue, Oboe barrokoa eta Zuzendari Artistikoa, Abenauara Graffigna  sopranoa, Leonor de Lera biolin barrokoa,  Alejandro Marìas txelo barrokoa eta viola da gamba eta Loreto Aramendi klabezina

Kultura

JULIAN MUJIKA BEASAINGO HARAKINA GARAILE GIPUZKOAKO XVI. ODOLKI TXAPELKETAN

Iazko txapela berritu du Julian Mujikak. Ordiziako Mujika Odolkiak bigarren eta Beasaingo Olano hirugarrena.

Beasaingo Julian Mujika harakinak irabazi du aurtengoan ere,  2013ko garaipena berretsiz, Ordiziako asteazkeneko azokaren baitan  ospatu den Gipuzkoako XVI. Odolki Lehiaketa. Sarituak izan dira baita ere Ordiziako Mujika Odolkiak, Beasaingo Olano Harategia, Beasaingo Iñaki Zubeldia eta Orioko Kepa Loidi harategia.

Guztira 16 egile aurkeztu dira lehiaketara: Ordiziako bi, Beasaingo hiru, Tolosako hiru, eta gainontzekoak Lasarte,Asteasu, Aia, Ataun, Ezkio-Itsaso, Arrasate, Mutriku, Orio eta Zaldibia.

Kultura

TXOTXONGILOAK HERRI ANTZOKIAN

Asteartean goizez ikasleentzako saioa eta asteazkenean, arratsaldez, 17:30ean, saio irekia

Ordiziako Udaleko kultura sailak antolatuta, Tolosako Turismo Ekinbide Etxea eta Gipuzkoa Foru Aldundiaren laguntzaz, hogeitasei urtez segidan, eta Tolosan egiten den Nazioarteko Txotxongilo Jaialdia aprobetxatuz, Ordizian egunotan kalitate handiko bi talde izango dira Herri Antzokian.

Egitaraua hasteko, asteartean, hilaren 25ean, eta goizeko saioan, Ordiziako ikastetxeei eskainitako saioan alegia, Herri Antzokian  Bulgariako Burgaseko Estatuko Txotxongilo Antzerkiak “Tumba Lumba” izeneneko lana eskainiko du. Gaur egungo ikuskizuna, bulgariar txotxongilo maisuek egindakoa, zeinetan bulgariako folklore instrumentuak konbinatzen dituzten. Ikuskizunaren atmosfera dibertigarriak txiki zein haundiak harrapatuko ditu. Ikuskizunak, konpainiaren lanik berriena, modernitatea eta tradizioak elkartzen ditu. Etortzen den ikusleak ez du ondo pasako bakarrik, txotxongiloaren artearen inguruan gauza asko ere ikasiko dituelako ere.

ORDIZIAKO UDALA

Udala 943 88 58 50

Udaltzaingoa 943 80 56 16

E-posta arretabulegoa@ordizia.eus

Kale Nagusia, 24 · 20240 Ordizia (Gipuzkoa)

KOMUNIKAZIOA

Tel 688 81 75 83

Tel 688 71 54 66

E-posta komunikazioa@ordizia.eus

Jarraitu gaitzazu sare sozialetan.

iconrssiconfacebookicontwittericonyoutubeiconinstagramiconflickr

OHAR LEGALA

Lege oharra

Pribatutasun politika

Cookie politika

logo ordizia footer

logo ordizia bizi herria

Image
Image
Image