IVAPek otsailaren 5ean egingo ditu frogak 

Lorezain eta zerbitzu orokorretako lanpostuetarako frogak gainditu dituzten kideek euskara azterketa egiteko aukera izango dute otsailaren 5ean.

Azterketaok IVAPek egingo ditu Donostian eta goizeko 9:30ean hasiko dira. Honenbestez, lanpostuetarako eskatzen diren perfilak betetzen ez dutenek aukera izango dute euskara gaitasuna adieraziko dien agiria lortzeko. Azterketak Donostiako Seminarioan izango dira.

Otsailaren 8ra arte egongo da epea zabalik

Gaur ireki dute 2013-2014 ikasturterako aurrematrikula egiteko epea Jakintza ikastolan eta Urdaneta-Oianguren ikastetxean. Biak ala biak otsailaren 8ra arte egongo dira zabalik. Epea
bukatu bitartean, bi informazio bilera eskainiko dituzte.

Jakintza ikastolak urtarrilaren 30ean ospatuko ditu. Lehenengoa, euskaraz, 17:00etan hasiko da eta bigarrena, gazteleraz, 18:30etan. Joaten direnek, nahi izanez gero, haurtzaindegi zerbitzua izango dute eskuragarri. Informazio gehiago hemen:http://ow.ly/hcMFU

Urdaneta-Oiangurenek ikastetxeak, aldiz, urtarrilaren 31n ospatuko ditu bilerok. Lehena, euskaraz, 17:00etatik aurrera izango da eta bigarrena, gazteleraz, 18:30etatik aurrera. Bestetik, otsailaren 2an, larunbata, ate irekien jardunaldia ospatuko dute. Informazio gehiago hemen:http://ow.ly/hc8qA

Izen-ematea Lanbiden urtarrilaren 25a baino lehen 

Lanbidek, Enplegu berdea programaren barruan, hitzarmena sinatu zuen Debegesarekin, Debabarreneko Garapen Ekonomikorako Elkartearekin, beraiek formatutako bekadun bat Ordiziako Udaletxean hartzeko. 

Eraikinetako instalazioen mantentze eta kudeaketa ekofizientearen inguruko saioa da konkretuko Debegesak eskainiko duena. Bertan parte hartuko duten pertsonen aukeraketa egiteko orduan honako baldintzak hartuko dira kontuan:

Kale peoi lanposturako izena emateko deialdia ireki da dagoeneko

Deialdiaren helburua kale edo bide publikoetako peoi lanpostua bitarteko izaeraz hornitzeko araututa moduan bete edo amortizatu arte, eta aldi berean lan poltsa sortzea da, azken kasu horretan prozesua gainditzen duten hautagaiekin Udalean lanpostu horri dagozkionez izan daitezkeen beharrak betetzen joateko.