Parte hartzeko epea zabaldu da

dar-dar produkzioak gizarte ekimenezko kooperatiba,GIZA ESKUBIDEAK HERRIRA, proiektua garatzen ari da Ordiziako herrian 2015, 2016 eta 2017 urteetan. Ordiziako biztanleak, eragileak eta abar dira proiektu honen ardatza. Giza Eskubideen inguruan hauek sentsibilizatuaz eta heziaz, justizia soziala bermatzeko helburua du.Ekimen hau Ordiziako Udalaren Hiri Hezitzaileen programaren baitan dago kokatua.dar-dar produkzioak gizarte ekimenezko kooperatibak, Ordiziako Udalarekin eta herriko eragile desberdinekin, Giza Eskubideen inguruan hainbat ekintza, jarduera edo programa garatzen ditu urtean zehar. Hauen artean Giza Eskubideak Herrira Nazioarteko korto lehiaketa dago.

Ordiziako famili album honetan familien argazkirik ezin dute falta izan eta kasu honetan gure txokora ekartzen ditugunak Miren Guembek utzi dizkigu. Lehena Aniceto Otamendi eta Maria Andresa Garmendia bikotearen ezkontza-argazkia da 1914koa da, eta bigarren argazkian bikotearen seme-alabak eta ilobak ditugu, 1951.koa. Otamendi-Garmendia familia “Otamendiñea” edo “Errekalde berri” etxean bizi ziren, oraindik zutik irauten duena Sanperio kalean (ikusi argazkian), eta “Xoxoa” baserria bezala ere ezagutua.

Sari banaketan  “Mahaitasunez - Mésame” errezitaldi musikatua. Hitzordua ostiralean gaueko 22:00etan Barrenan

Ordiziako Kimetz Emakume Elkarteak, urtero antolatzen duen literatur lehiaketako sariak banatuko ditu datorren ostiralean.  Ekitaldi hori osatzeko, “Mahaitasunez - Mésame” ikuskizuna izango da. Sari banaketa 22:00etan hasiko da, eta segidan egingo dute poesia, eta musikaren emanaldia, Barrena Kultur Etxean. Sarrera, debalde izango da.

“Mahaitasunez.-Mésame!” emanaldiaren erreseinak hala dio:  Euskara irakaslearen arreta bereganatu dute lehen lerroan esertzen den ikaslearen mahaigaineko gaztelaniaz idatzitako zitek. Zein bere egilea alboan dutela ageri dira gehienak, baina tartean badira izen-deituren konpainiarik gabeak ere. Irakasleak badaki ikaslearenak direla, baina ikasleak ez daki irakasleak badakienik. Irakasleak hitzordua eskatuko dio ikasleari izen-deiturarik gabeko ziten inguruan duen ustea berresteko, besteekin mahaia eta maila partekatzen dutenek ere badutela bere grazia alegia: Olaia Baigorri.

Uztailaren 1ean bukatzen da lanak aurkezteko epea

Ordiziako Argi Berri elkarteak Ordiziako Udalaren laguntzarekin antolatutako Lazkao Txiki XXVI. Bertsopaper lehiaketara lanak aurkezteko epea zabaldu dute dagoeneko. Hiru mailatan banatzen da lehiaketa: gaztetxoena (13 urte arte), gazteena (14-18 urte) eta helduena (18tik gora). Lanak uztailaren 1aren aurretik aurkeztu behar dira, eta sari banaketa ekitaldia Euskal Jaietan izango da, irailaren 10ean.

Parte hartzaile bakoitzak nahi adina bertsopaper bidal ditzake. Hiru mailetan bertso idatzien neurria eta doinua librea da, baina gaietan dago aldea. Gaztetxoek "Herriko alkate banintz" 'gaiari buruzko bertsoak jarri beharko dituzte (gutxienez 2 bertso eta gehienez 4), eta beste bi mailetakoentzat gaia librea izango da (gutxienez 8 bertso eta gehienez 12). Maila bakoitzeko lehen hiru sailkatuek jasoko dituzte sariak.

Oinarriak ikusteko SAKATU HEMEN