Ordiziako Udalaren flickr kontuan ikusgai daude Santa Ana eguneko eta Kuadrilla Eguneko argazkiak

Dagoeneko ikusgai daude Ordiziako Udalaren argazkien atalean 2014ko Santa Ana jaietako egun guztietako argazkiak. Sarean jartzen azkenak Santa Ana egunekoak, eta Santanazaleen eta Kuadrilla Eguneko irudiak izan dira. Ordiziako Udalak aurtengo jaien balorazio positiboa egiten du. Antolatu diren kultur eta kirol ekitaldietan jendeak izan duen parte hartzea nabarmena izan da, eta herritarrak eta bisitariak zoriondu nahi ditu izan duten jarrerarengatik. San Bartolomeko festa eremuak ere harrera ederra izan du. .

UZTAILAREN 26KO ARGAZKIAK 

UZTAILAREN 27KO ARGAZKIAK 

Julian González fisikariak, Amets Bide dantza taldeak eta Estanda Ordiziak bota dute jaiei hasiera emateko suziria

Dagoeneko ikusgai daude Ordiziako Udalaren flicker kontuan  Santa Ana jaietako txupinazoaren eta erraldoi, buruhandi, txaranga, txistulari eta trikitilariekin egindako kalejiraren argazkiak. Julian Gonzalez fisikan katedradunak, Amets Bide dantza taldeak eta Estanda Ordizia areto futboleko nesken taldeak izan dute aurten txupinazoa botatzeko ohorea.

TXUPINAZOAREN ARGAZKIAK

Bihar eguerdiko txupinazoarekin hasiko dira ofizialki Ordiziako Santa Ana jaiak

Ez da ezer ere falta Santa Ana jaiak hasteko. Bihar eguerdian txupinazoa botatzearekin batera, Ordizia festa gune anitz eta koloretsua bilakatuko da lau egunez. Ordiziako Udalak errespetuan, aniztasunean eta berdintasunean  oinarritutako festak izatea du desio, eta mezu horixe zabaldu nahi du herritar eta bisitarien artean. Hona hemen datozen lau egunetako ekitaldi nabarmenenen zerrenda, egunez egun eta gunez gune. Gogoratu festetako programa osoa PDF formatuan deskargatu daitekeela. Ondo pasa Santa Ana jaiak! 

Emakumezko bederatzi antzezle dira obraren protagonistak. Saioa 22:15ean hasiko da

Martxoaren 8ko ekitaldien bueltan estreinako saioa egin eta gero, gaur gauean berriz ere taularatuko du Urrup antzerki taldeak  'Emakumeentzako polizia-etxe berezia' antzezlana (Comisaría especial para mujeres). Herri Antzokian izango da emanaldia, 22:15ean hasita. Obraren egilea Alberto Miralles da, eta egokitzapen eta zuzendari lanak Rosa Rojok egin ditu. Emakumezko bederatzi antzezle dira lan honen protagonistak.