Zine alternatiboko saiorik eta umeen saiorik ez da izango irailera arte

Ordiziako Herri Antzokiak kaleratu du dagoeneko maiatzeko zine agenda. Aipatzekoa da, udako ordutegia dela eta, irailera bitarte ez dela zine alternatiboko saiorik izango da, ezta umeen saiorik ere, asteburuko honetako salbuespenarekin. Bihar osteguna (19:30-22:15) eta igandean, maiatzaren 4an, 16:45ean, The Amazing Spider Man 2: El poder de electro filma emango dute, eta ostiraletik astelehenera, berriz, El gran hotel de Budapest.

RUBEN TRINCADO, sukaldaria: "USAIN BIKAINA DUEN OPARIA"

"Usain bikaina duen oparia"", hala esan du gazteleraz ("Huele al regalo perfecto") Ruben Trincadok, Donostiako "El Mirador de Ulia" Jatetxeko sukaldariak eta Michelin izarrak, Ordiziako udal pleno aretoan egindako gazta mozketa ekitaldian. Idiazabal gazta gaztearen ale bat zatikatu du Trincadok eta horrela gazta denboraldi berria zabaldu du.

Ekitaldi bertan, ARDIEKIN hazi-jartze eta latxa arrazaren errekuperazio zentroari omenaldia egin zaio, bere 25. urteurrenean latxa eta karrantzana arrazak hobetzeko egindako lanagatik.

Artzain egunaren babesean erregulartasun-kalitate sariak eman zaizkie Olaberriako Santi Etxezarreta artzainari eta Sunbilako (Nafarroa) Lizun gaztandegiari.

Eguneko argazkiak ikusi nahi badituzu SAKATU HEMEN

 Denera 8 film labur proiektatuko dira, ordu eta erdi inguru iraungo duen emanaldian

Datorren ostiralean, hilak 11, Huhezinema 2014ko palmaresaren proiekzio ekitaldia izango da Ordiziako Herri Antzokian, 19:00etan hasita. Bertan, 7.edizio honetako ikasleen nahiz zinemagile profesionalen film laburrez gozatzeko aukera izango da. 'Jo ta jarri' eta 'Das Kind' film irabazleen zuzendariak Ordizian izango dira, eta emanaldiaren ondoren haiekin solasean aritzeko aukera izango da. Denera 8 film labur proiektatuko dira, ordu eta erdi inguru iraungo duen emanaldian.

 Zine alternatiboan euskarazko film laburrak ikusteko aukera izango da, eta bi asteburutan 'Ocho apellidos vascos' filma proiektatuko da

Ordiziako Herri Antzokiak kaleratu du dagoeneko apirileko zine agenda. Zine alternatiboaren zikloaren barruko 'Approved for adoption' (frantsesez, azpitituluak euskaraz) irekiko ditu bihar apirileko zine emankizunak. Horrez gain, bi egunetan, apirilaren 9an eta 11n, euskarazko film laburrak egongo dira ikusgai, Laburbira eta Huhezinema. Bestalde, datozen bi asteburutan 'Ocho apellidos vascos' filma proiektatuko dute, eta tartean, apirilaren 5ean, 'Otello'. Azken film honetako zuzendaria, Hammudi Al-Rahmoun Font, bertan izango da zinta aurkezten.