San Bartolomen barraka berriak jarriko dira eta jan-edanerako aukera ere izango da Estanda Ordizia taldearen karpan

Sexu eraso, eta eraso homofobo eta xenofoboen aurrean laguntza emango dute txozna gunean

Ate joka daude 2014ko Santa Ana jaiak. Ostiraleko kantineren aurkezpen eta Boxeo Jaialdiaren ondotik, Umeen asteburua ospatuko da larunbatean eta igandean. Santa Ana jaiak, bete-betean, hilaren 24tik 27ra bitartean ospatuko dira. Ordiziako Udalak festetako ohiturak mantentzeko ahalegina egin du aurten ere, eta herriko elkarte, txozna batzorde eta beste hainbat eragilerekin batera, festa herrikoi, parte hartzaile, parekide eta euskaldunen aldeko apustua egin du. 2014ko Santa Ana jaiak errespetuan, aniztasunean eta berdintasunean oinarritutako festak izatea desio du Ordiziako Udalak.

Datorren astearte eta asteazkenean zehar banatuko da paperezko edizioa etxeetara

Dagoeneko prest dago 2014ko Santa Ana jaietako programa. Ordiziako etxeetara datorren astearte eta asteazkenean zehar iritsiko da paperezko programa, baina aurrerapen moduan, PDF formatuan deskargatu dezakezue udaleko webgunean. DESKARGATU FESTETAKO PROGRAMA.

Sarrerak salgai daude dagoeneko 20 euroan Pottoka, Kiko Enea eta Olano tabernetan, eta Majori kiroldegian

Euskal Jaien egitarauari hasiera emanez, irailaren 5ean kontzertua egingo du Ordizian Benito Lertxundi abeslariak. Majori kiroldegian izango da, 21:00etan hasita. Kontzerturako sarrerak salgai daude dagoeneko Ordiziako Pottoka, Kiko Enea eta Olano tabernetan, eta Majori kiroldegian. Aurrez erosiz gero, 20 euro balio du sarrerak, eta egunean bertan, 22 euro. Datozen egunetan Goierriko herri gehiagotan izango da sarrerak aurrez erosteko aukera.

Emanaldia 20:30ean hasiko da, eta sarrerak 10 euro balio du

Datorren asteazkenean, hilak 16, 'Madama Butterfly' opera proiektatu du Ordiziako Herri Antzokiak. Aspaldian ari ziren antzokiko arduradunak opera hau Ordiziara ekarri nahian, eta aukera suertatuta, Santa Ana jaien atarian emango dute. Emanaldia 20:30ean hasiko da (2 ordu eta 35 minutuko iraupena du), eta sarrerak 10 euro balio du. Saioa italieraz izango da, gaztelerazko azpitituluekin. Esperientzia positiboa bada, datorren urtean opera zuzenean ematea ez du baztertzen Herri Antzokiak, hau da, oholtzan antzezten den bitartean zinean ikustea.