Image
Image

Idazkaritza

DAGOENEKO LANEAN ARI DIRA ENPLEGU PLANAREN BITARTEZ KONTRATUTAKO ZORTZI LANGILEAK

2014-05-14 enplegua Peoi eta lorezain lanetarako bost langile kontratatu dira, eta hiru gizarte eta administrazio lanetarako

Dagoeneko lanean ari dira Ordiziako Udalak martxoaren hasieran martxan jarri zuen Enplegu planaren bitartez kontratatutako zortzi langileak. Mantentze eta lorezaintza lanetako bost langileak apirilaren 28an hasi ziren lanean, eta gizarte eta administrazio lanetarako hiru langileak joan den asteazkenean, maiatzaren 7an. Kaleko peoi eta lorezain lanetarako lanpostuen deialdia familia-kargak dituzten langabe helduen egoera aintzat hartuta egin zen. Administraritza lanetarako hiru lanpostuak, berriz, 30 urtez azpiko gazteak lan munduan txertatu eta lan eskarmentua hartzeko helburuarekin sortu dira.

Idazkaritza

BIHAR EGINGO DA APIRILARI ZEGOKION OSOKO BILKURA

2014-05-07 osokobilkura Bederatzi puntuko gai-ordena izango du aztergai Udalbatzak

Ordiziako Udalbatzak bihar, hilak 8, egingo du apirilari zegokion osoko bilkura, 19:00etan. Apirilean izan diren festa egunengatik atzeratu da osoko bilkura maiatzera. Bederatzi puntu aztertuko dira guztira, tartean EAJ eta PSE alderdiek Sasietako Zabortegiari buruz aurkeztutako mozioa, Bake Epailearen Izendapena eta Agerrebidea N-1 errepidearekin lotzeko lehen proiektu aldatua eta kontratua exekutatzeko lursailak kudeatzeko kontratua.

Idazkaritza

OIANGU PARKEKO TABERNA ZERBITZUA KUDEATZEKO DEIALDIA

2014-05-05 oiangu Interesatuek hilaren 13rako aurkeztu beharko dituzte eskaintzak

Ordiziako Udalak kaleratu ditu dagoeneko Oianguko parkean eraikin osagarriko taberna zerbitzuaren kontrataziorako baldintza administratibo eta teknikoen pleguak. Joan den astelehenean argitaratu zen aldizkari ofizialean, eta datorren asteartean, hilak 13, bukatzen da eskaintzak aurkezteko epea. Instalakuntza ekainetik irailera egon beharko da zabalik, astean egun batean ixteko aukera izanez eta gutxieneko ordutegi honekin: astelehenetik ostiralera 12:00etatik 20:00etara, eta asteburu eta jaiegunetan 11:00etatik 22:00etara.

Idazkaritza

EUROPAKO HAUTESKUNDEETARAKO HAUTES-MAHAIKIDEAK AUKERATUKO DITUZTE ASTELEHENEAN

2014-04-25 hautes Hautes propaganda jartzeko kokapenaren zozketa ere egingo da asteleheneko aparteko bilkuran

Datorren astelehenean, hilak 26, maiatzaren 25ean egingo diren Europako Legebiltzarrerako Hauteskundeetarako hautes-mahaikideak aukeratuko dituzte 11:30ean idazkariaren bulegoan egingo den ez-ohiko osoko bilkuran. Horrez gain, hautes-propaganda jartzeko kokapenaren zozketa ere egingo da. Guztira 10 hautes-mahai daude Ordizia, eta mahai bakoitzeko bederatzi aukeratu behar dira, ordezkoak barne; 90 herritar denera.

ORDIZIAKO UDALA

Udala 943 88 58 50

Udaltzaingoa 943 80 56 16

E-posta arretabulegoa@ordizia.eus

Kale Nagusia, 24 · 20240 Ordizia (Gipuzkoa)

KOMUNIKAZIOA

Tel 688 81 75 83

Tel 688 71 54 66

E-posta komunikazioa@ordizia.eus

Jarraitu gaitzazu sare sozialetan.

iconrssiconfacebookicontwittericonyoutubeiconinstagramiconflickr

OHAR LEGALA

Lege oharra

Pribatutasun politika

Cookie politika

logo ordizia footer

logo ordizia bizi herria

Image
Image
Image