LAGUNDU ORDIZIAKO FAMILIA ALBUMA OSATZEN. Ordizia iruditan/ Ordiziako historia argazki bidez / Ordiziako familia albuma (...)

Aste honetan, hilaren 22an, Santa Zezilia ospatzen da, musikaren eta musikarien zaindaria. Ordiziako bizitza musikala betidanik oso aberatsa izan da, horren froga gaur txoko honetara ekartzen dizkizuegu argazkiak. Lehena “Ordizia” Bandakoa, 1910. hamarkadaren aldera, Juan Jose Aranburu zuzendaria buru duela, bigarrena 1966. urtekoa “Los Bostak” taldea, hirugarrena 1972. urtekoa Katekesiaren rondailarena, laugarrena 1973. urtekoa Katekesiaren musika eskolarena eta bostgarrena 1995. urtekoa Beti Argi Bandarena. Beste argazkiak ikusteko sakatu GEHIAGO IRAKURRI beheko laukitxoan. Oroitzapenak ekarri dizkizute gogora argazkiek? Partekatu nahi dituzu?

Kontzertua igandean, arratsaldeko 18:00etan

Ordiziako Udalak eta Gipuzkoako Foru Aldundiak antolatutako Barroko Aire kontzertu zikloarekin jarraituz, datorren igandean, hilak 19a, Ordiziako Parrokia Elizan, arratsaldeko 6:30etan, hirugarren kontzertua entzuteko aukera izango dugu, Arimaz Kamera Orkestra partaidetzarekin.Kontzertuanhonako  bakarlariak arituko dira: Arantza Etxabe sopranoa, Iker Nausia oboea eta Maddi Arana bibolina, denak Kepa Martinez de Alberdi zuzendaritzapean. Hauxe izango da taldearen hirugarren kontzertua Barroko Aire programazioan, azken biak 2011. eta 2013. Urtean.Kontzertuan segidako pìezak eskainiko dira: Georg Philiph Telemannen bi oberturak eta J.S.Bachen “Oboe eta bibolinerako kontzertua BWV 1060R” eta “Ich bin vergnügt mit meinem Glücke” BWV 84 Kantata.

Azaroaren 20tik abendura 5a arte. Inaugurazioa: Ostirala, hilaren 17an, arratsaldeko 19:00etan.

Datorren ostiralean, hilaren 17an, Barrena Kultur Etxeko Erakusketa Aretoan Enrique Ochotorena artistaren akuarelen erakusketa zabalduko da. Bertan 35 lanak izango dira ikusgai. Erakusketa abenduaren 5a arte egongo da zabalik, arratsaldero 6etatik 8etara (Igandetan eta jai egunetan itxita).

Saioak Udal Liburutegian egingo dira, azaroaren 21ean (17:15h) eta  28an. (10:30 h.)

Liburu Baby Kluba ekimena “Ordizia Hiri Hezitzailea” programaren barruan garatzen da;  Udal Liburutegiak sustatzen du eta urtean zehar Liburutegi berak bultzatzen duen ipuinkontaketen saioei gehitzen zaio.Liburu Baby Kluba 0 eta 3 urte bitarteko umeei zuzenduriko jarduera ludiko eta didaktikoa da. Umeak heldu batekin egongo dira eta azken honek jardueran ere parte hartuko du. Jarduaren ardatza eta abiapuntua liburua da. Jarduera honen helburu nagusia umeengan txikitatik eta beraien familiengan literatura, musika, artea eta naturarekiko interesa piztea da. Liburu Baby Kluba jarduera kulturanitza da eta horregatik, euskaraz, gazteleraz eta ingelesez garatzen da.